... en mikið er af þeim svörtu þessa dagana.
Já ég hef ákveðið að blogga! 
Merkilegt! Ég er heima lasin, það er kannski ástæðan.. búin að vera með magapest síðan á fösudaginn.  Ekki skemmtileg, frekar en veikindi almennt.  Fórum til Reykjavíkur á föstudaginn.  Vorum með krakkana hjá Gunnlaugi hjartalækni.  Jóhanna Dagrún var í tjékki og Dagbjartur fór líka í skoðun þar sem það heyrðust einhver hjartaóhljóð í hans hjarta um daginn.  Það er bara pínu gat eftir hjá JDD sem ætti að lokast á næstu mánuðum og eigum við bara að koma með hana í eitt lokatjékk eftir ár. Dagbjartur var bara með það sem kallað er saklaus hjartahljóð og alveg heilbrigt hjarta og verður ekkert skoðaður meir.  Svo þetta er allt á réttri leið og meira en það.
Við gerðum ekkert óskaplega mikið í borginni annað en elta fólkið í Grófarsmáranum.  Mættum boðin sem óboðin á matartímum, fjölskylduþorrablót á laugardeginum,  fórum æðislega ferð í Dýjadalinn þar sem þau eiga voða fínan bústað.  Löbbuðum yfir frosið Hafravatnið að bústaðnum, með börnin í eftirdragi á STIGA sleða Stefaníu og fengum eitt kakó, eplaköku og kleinur..ummmm.. gat því miður afar lítið borðað. Var reyndar með eindæmum ódýr í rekstri matarlega séð þessa helgina he he he. Ferlegt að vera svona!  Borðuðum svo góðann mat um kvöldið og enduðum svo í bíó með Eysteini og Maríu um kvöldið og systkinin í Grófarsmára pössuðu á meðan.  Takk fyrir helgina öll sömul.
Nú neyðist ég til að hætta bráðum þar sem ég þarf að fara út og sækja börnin mín 2 á leikskólann. 
Vona að einhver nenni inn að lesa þrátt fyrir margra mánaða pásu og mörg loforð um tíðari skrif.
ykkar Auður